جدید پنجابی سرائیکی شاعری
تلوار دو ہتھ تیر دو گل بھیج ڈیویجے
قاتل کوں اوندی کرنی دا پھل بھیج ڈیویجے
ڈیکھوں تاں سہی کون کیڑھے پانی دے وچ ہے
سانون دو کئی سہکدا تھل بھیج ڈیویجے
آسمان توں احسان وانگوں رزق جے لہندے
احسان کوں آسمان دو ول بھیج ڈیویجے
او ڈیکھنڑا چاہندا ہے میڈے بھانڑ پرانے
پلکیں دی عماری دا محل بھیج ڈیویجے
ایں عید تے سرکار تیڈو عید دا تحفہ
ہنج بھیج ڈیویجے یا غزل بھیج ڈیویجے
آئے آس دی آیت تیڈے آرام دے کیتے
دل آھدا ہے باہیں دا رحل بھیج ڈیویجے
کئی سر ہے نہ پتھر ہے نہ مخلوق دے کٹھ ءن
سرور کوں تیڈے شہر دو ول بھیج ڈیویجے
سرور کربلائی
No comments:
Post a Comment
Note: only a member of this blog may post a comment.