جدید پنجابی شاعری
یاراں لئی سب یار برابر
پُھل، ٹہنی تے خار برابر
وِچلی کندھ اُساری لوکاں
اُنج تے ہے سی گھار برابر
چھمکاں وجیاں لیلی تائیں
قیس دے ہتھیں مار برابر
عاشق لئی تے اِکّو گل اے
جِت ہووے یا ہار برابر
پیار ہُلارا لینا پیندا
پینگھ ہووے یا دار برابر
تیریاں بانہواں گل وچ میرے
پھلاں جیہے اک ہار برابر
فلکی فیر ہے امبریں ٹُریا
کر کے سر نوں دار برابر
افتخار فلکی
No comments:
Post a Comment
Note: only a member of this blog may post a comment.