جدید پنجابی شاعری
اکھ دے اتھرُو پی پُتر
تگڑا ہو کے جی پُتر
پیسے نہیں کچھ ویلا کڈھ
اک گل کرنی سی پُتر
تیرا گھوڑا بن دا ساں
ایہ گل چیتے ای پُتر
اج میں بھار آں تیرے تے
بات اے سوچن دی پُتر
توں، تے آکھی بیٹھا ایں
ہور کیہ کہنا ای پُتر
ماں بولی نہ بھل جاویں
پڑھ کے اے بی سی پُتر
اُنج تے ساہ ساہ نعمت اے
وڈی نعمت، دِھی پُتر
تجمل کلیم
No comments:
Post a Comment
Note: only a member of this blog may post a comment.