رویا زار و زار نہیں جاندا
مریا وی تے یار نہیں جاندا
بھکھ جد حملہ آور ہووے
اک وی خالی وار نہیں جاندا
اکھ کلہنی ٹر جاندی اے
پیر تے گھر ول ٹر پیندے نیں
دل واپس سرکار نہیں جاندا
اندرو اندریں سک جاندا اے
اتھرو اکھیوں باہر نہیں جاندا
ساڈے حال توں بے خبرا ایں
تیرے گھر اخبار نہیں جاندا؟
ست اسمانوں پار پتا نہیں
کیوں ہاواں دا ڈار نہیں جاندا
نکی عمرے غربت والا
ساڈے سر توں بھار نہیں جاندا
پنسل ہتھ وچ آنا چاہندی
پر ہتھ چوں اوزار نہیں جاندا
حسرت دل وچ پخدی رہندی
اک پل وی بے کار نہیں جاندا
حکیم احمد نعیم ارشد
