فریدا دکھ سکھ اک کر دل تھیں لاہ وکار

 کلاسیکی پنجابی شاعری

فریدا دکھ سکھ اک کر دل تھیں لاہ وِکار

اللہ بھاوے سو بھلا، تاں لبھی دربار

فیرا دُنی وجائی وجدی، تُوں بھی وجیں نال

سو ای جیو نہ وجدا، جس اللہ کردا سار

فریدا ایہہ وس گندلاں دھریاں کھنڈ لواڑ

اک راہیندے رہ گئے، اک رادھی گئے اجاڑ

فریدا پیریں بیڑا ٹھیلھ کے کنڈھین کھڑا نہ رو

 کلاسیکی پنجابی شاعری

فریدا پیریں بیڑا ٹھیلھ کے، کنڈھین کھڑا نہ رو

وت نہ آون تھیسیا، ایت نہ نیندڑی سو

فریدا ہاتھی سوہن انباریاں، پیچھے کٹک ہزار

جاں سر آوی آپنے، تاں کو میت نہ یار

کناں دنداں، اکھیاں، سبھناں دتی ہار

ویکھ فریدا! چھڈ گئے مُڈھ قدیمی یار

فریدا پچھلی رات نی جاگیوں جیوندڑو مویو

کلاسیکی پنجابی شاعری

بابا فرید الصلوٰۃ عمادالدین دی تشریح کردے ہوئے کہندے نے

فریدا پچھلی رات نی جاگیوں جیوندڑو مویو

جے تیں رب وساریا تاں رب نہ وساریو

جو سر سائیں نی نیویں سو سر کیجے کاٹے

کنیں ہیٹھ جلائیے بال سندے تھاٹے

فریدا بے نمازا کیتا ایہہ نہ بھلی ریت

کدے چل نہ آیوں پنجے وقت مسیت

گھڑئیے گھڑئیے مارئیے پہریں لیے سجائے

 کلاسیکی پنجابی شاعری

گھڑئیے گھڑئیے مارئیے پہریں لیے سجائے

سوہیڑا گھڑیال جیؤں دکھیں رین ویہائے

والوں نکی پل صراط، کنیں نہ سنی آئے

فریدا کڑی پوندی ای، کھڑا نہ آپ مہائے

جند ووہٹی، مرن ور، لے جاسی پرنائے

آپن ہتھیں جول کے، کیں گل لگے دھائے

گھڑئیے گھڑئیے مارئیے پہریں لہے سزاء

 کلاسیکی پنجابی شاعری

گھڑئیے گھڑئیے مارئیے، پہریں لہے سزاء

سوہیڑا گھڑیال جیوں، دُکھی رین وہاء

کاگا چُونڈ نہ پنجرا، بسے تاں اڈ جاء

جت پنجرے میرا شوہ وسے، ماس نی تدوں کھاء

فریدا تن رہیا، من پھٹیا، طاقت رہی نہ کاء

اٹھ پری، طبیب تھیو، کاری دارو لاء

فریدا ہوں بلہاری تنہاں پنکھیاں جنگل جینہاں واس

 کلاسیکی پنجابی شاعری

فریدا ہوں بلہاری تنہاں پنکھیاں، جنگل جینہاں واس

کنکر چُگن، تھل وَسن، رب نہ چھوڈن پاس

سروور پنکھی ہیکڑو پھاہی وال پچاس

ایہہ تن لہریں گڈ تھیا، سچے تیری آس

فریدا جت تن اُپچے، تِت تن کیسا ماس

فریدا راتیں وڈیاں، دُھکھ دُھکھ اٹھن پاس

فریدا در دروازے جا کے کیوں ڈٹھو گھڑیال

 کلاسیکی پنجابی شاعری

فریدا در دروازے جا کے کیوں ڈِٹھو گھڑیال

ایہ ندوسا مارئیے، ہم دوساں دا کی حال

داتیں صاحب سندیاں، کیا چلیں تس نال

اک جاگن دے نہ لہیں، اک سُتیاں دے نال

فریدا! کھیتی اُجڑی، گروی پر رہیا مال

صاحب لیکھا منگسی، بندے کون حوال

بابا فریدالدین گنج شکر

کلام بابا فرید زیادہ تر دو مصرعی ہے، آپ کی سہولت کے لیے میں نے ایک ہی بحر کے کلام کو یکجا کیا ہے تاکہ قارئین کو زیادہ کلام پڑھنے کو ملے۔

کاگا نین نکاس دوں پی کے دکھ لے جائے

کلاسیک پنجابی شاعری

 

کاگا نین نکاس دوں پی کے دکھ لے جائے

پہلے درس دکھائے کے تو پاچھے لے جے کھائے

میں بھولاوا پگ دا مت ہو جائے

گہلا روح نہ جانئی سر بھی مٹی کھائے

جوبن جاندے نہ ڈراں جے شوہ پریت نہ پائے

کتی جوبن پریت بن سُک گئے کمہلائے