پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
جدید پنجابی شاعری
کی کُجھ گل سجن دل بیٹھی، چت میرے تھیں چایا
کی گستاخی نظری آئی، تختوں سٹ رلایا
حدوں بہت جُدائی گزری، یار نہ مکھ وکھایا
ربا! میرا یار ملن دا، وقت نہیں کیوں آیا
اگے اس دے مرن شہادت، جے دسے اک واری
نہیں تاں گلیاں وچ مراں گا، چاء ایہو دل چایا
کلاسیکی پنجابی شاعری
سدا نہ رست بازاریں وِکسی سدا نہ رونق شہراں
سدا نہ موج جوانی والی، سدا نہ ندیئے لہراں
سدا نہ تابش سورج والی، جیوں کر وقت دپہراں
بے وفائی رسم محمد، سدا ایہو وچ دہراں
میاں محمد بخش
کلاسیکی پنجابی شاعری
سورج
جنبش کھا سپاہی سورج پاڑ سیاہ قناتاں
چڑھ میدان انبر دے آیا، بھجیاں ہور جماتاں
چینی شاہ زنگی نوں کٹھا ڈوہلی رتّ کنارے
ہنجھو رو اسمان بیچارا پونجھ کھلا رخسارے
ساری رات نہ ڈھیرے کھلے رئے پڑ مل کے
آ پھر لو صبح دی لگی چھپے تارے ہل کے
کلاسیکی پنجابی شاعری
غزل
دلبر دے وچھوڑے اندر اجے رہا میں زندہ
ایس گناہوں آخر توڑی سدا رہاں شرمندہ
اک واری دیدار نہ ڈٹھا لئے پیار نہ مونہوں
توڑے طلب اسے دی اندر ہو چکا بے جندا
گھر تیرے کئی نوکر چاکر در تیرے سے کتے
نفراں دا میں گولہ سجنا! کتیاں دا پھر بندہ
کلاسیکی پنجابی شاعری
اول شکر خدا دا کرئیے دلبر دکھ وکھایا
مٹھے مونہہ تیرے تھیں سجناں قوت میری جند پایا
ڈیرے تیرے وچہ چوفیرے چوکیداراں
آہ میری دے بلن النبھے دکھن چانن لایا
توڑے سورج وانگر مینوں اندر جا نہ لبھے
در و دیوار تیرے دی پیریں ڈہساں جیونکر سایا
کلاسیک پنجابی شاعری
مان نہ کرئیے روپ گھنے دا وارث کون حسن دا
سدا نہ رہن شاخاں ہرّیاں، سدا نہ پُھل چمن دا
سدا نہ بھور ہزاراں پِھرسن، سدا نہ وقت امن دا
مالی حکم نہ دے محمد! کیوں اج سیر کرن دا
میاں محمد بخش
پہلا مصرع درج ذیل شکل میں بھی ملتا ہے
مان نہ کرئیو روپ گھنے دا وارث کون حسن دا
میاں محمد بخش کا زیادہ تر کلام دو مصرعی ہے، آپ کی سہولت کے لیے میں نے ایک ہی بحر کے کلام کو یکجا کیا ہے تاکہ قارئین کو زیادہ کلام پڑھنے کو ملے۔
پنجابی زبان کے ممتاز صوفی شاعر میاں محمد بخشؒ کی ولادت کھڑی شریف کے نواحی گاؤں میں ہوئی جو کہ میرپور آزاد کشمیر میں واقع ہے۔ ان کے آبا ؤ اجداد چک بہرام ضلع گجرات سے ترک سکونت کر کے میرپور کے نواح میں آن بسے تھے۔آپ کے والد میاں شمس الدین قادری دربارعالیہ پیراں شاہ غازی المعروف دمڑی والی سرکار کے سجادہ نشین تھے۔ آپ نے ابتدائی دینی تعلیم اپنے والد میاں شمس الدین قادری سے حاصل کی اور اس کے بعد آپ کو مزید تعلیم کے لیے سموال کی دینی درسگاہ میں داخل کرایا گیا، جہاں آپ کے استاد غلام حسین سموالوی تھے۔ مدرسے سے تعلیم سے فراغت کے بعد آپ یاد اللہ کے لیے آبادی سے دور منتقل ہو گئے۔ مدرسے کی تعلیم کے بعد آپ کئی نامور بزرگانِ دین کی صحبت سے فیض یاب ہوئے۔ جن میں شیخ احمد ولی کشمیری، چکوتری شریف کے بابا جنگو شاہ مجذوب سہروردی اور میاں غلام محمد کلروڑی شریف والی سرکار شامل تھے۔ آپ کلروڑی والوں کی ارادت میں شامل تھے، آپ کا سلسلۂ طریقت قادری قلندری اور حجروی بیان کیا جاتا ہے۔آپ نے تجردانہ زندگی بسر کی اور زندگی بھر شادی نہیں کی۔ آپ کی وفات 1907 سن عیسوی بمطابق 1324سن ہجری ہوئی اور انہیں آبائی وطن کھڑی شریف میں دفنایا گیا، جہاں پر ان کا مزار مرجع خلائق عام ہے۔
چنگی مندی سجناں کولوں سو واری ہو جاندی
یار یاراں دا گلہ نہیں کردے اصل پریت جناں دی
جس یاری وِچ لالچ ہووے، کدے او توڑ نہ چڑھدی
چادر لِیر و لیر محمدؔ، کنڈیاں نال جو اڑدی
کلی کہانوِیں نہ شرمانوِیں، کُلّی ہے ایہہ چاندی
سیر اندر سِرساہی پانی، سستی تد وِکاندی
میاں محمد بخش
میاں محمد بخش کا زیادہ تر کلام دو مصرعی ہے، آپ کی سہولت کے لیے میں نے ایک ہی بحر کے کلام کو یکجا کیا ہے تاکہ قارئین کو زیادہ کلام پڑھنے کو ملے۔
