بلا عنوان
اسیں کیسری پھلاں دیاں کلیاں
ساڈے سر تے ہواواں چلیاں
پتی پتی ہوا وچ کھلری
تے ماہی ساہنوں چندے نہیں
چندے نہیں گل سندے نہیں
ساہنوں لبھدا ناں چن جیہا مکھڑا
ساڈے ماہی وطناں دے راکھے
کوئی جا ظالم نوں آکھے
ساڈی جند نوں توں لا دتا زنگ اوئے
دس کنج دی توں لڑنا ایں جنگ اوئے
ساڈی بانہہ دیاں ٹٹ گیئاں چوڑیاں
ساڈے ویہڑیاں چ وچھ گیئاں پھوھڑیاں
تینوں ترس ذرا وی نہ آیا
تیرے ہتھ ساہنوں دس کیہ آیا
وے توں کیہڑا اسلام پھیلایا
حکیم احمد نعیم ارشد
