بدل ہجر دے چار چفیرے کل وی اویں آج وی اویں
یاد دا چانن سانجھ سویرے کل وی اویں آج وی اویں
بھجدی رات دے ٹُڈے تارے مڑ مڑ کہن تریل دے تائیں
ہنجوں کِردے تیرے میرے کل وی اویں آج وی اویں
رانجھا گنڈھ دا مُڈھوں ڈِھلا ساد مرادی ہیر قدیمی
عشق دے ہتھ وچ لوکی دَسدے شوق وفا دی لمی چوڑی
سجناں والے اُچے ڈیرے کل وی اویں آج وی اویں
سوہنی ایسے پتنوں ٹھلی انورؔ ایسے گھاٹوں تریا
پیر جھناں دے گھمن گھیرے کل وی اویں آج وی اویں
غلام یعقوب انور
