رب بال ودھاون نئیں مِلدا
رب چولے پاون نئیں مِلدا
رب نئیں مِلدا تمہیداں توں
رب مکے جاون نئیں مِلدا
رب پڑھ پڑھ کلمے نئیں مِلدا
رب حاجی بنڑ بنڑ نئیں مِلدا
گِھس گِھس دے مصلے نئیں مِلدا
رب چِلے کَٹن نئیں مِلدا
رب تسبیح پھڑ پھڑ نئیں مِلدا
نئیں مِلدا سحر افطار کولوں
پڑھ پڑھ لے شبینے نئیں مِلدا
رب بھید اے جیہڑا دل تے کُھلے
تے کُھل کُھل کر وی نئیں مِلدا
رب بال ودھاون نئیں مِلدا
رب چولے پاون نئیں مِلدا
بچ علم کتاباں، عالماں توں
جنت دے پجاری ظالماں توں
بچ جا کشف، کرامت توں
مت مانگ وصل ان عاملاں توں
رب مِلدا جس نُوں رب چاہے
رب مِلدا کسی کسی نُوں
رب دا رنگ چاہت والا
اے لگدا کسی کسی نُوں
رب مِلدا عشق محلے وِچ
رب مِلدا دل مصلے وِچ
رب مِلدا نئیں مخلوقاں نُوں
کُج بھید وی اے تجلے وِچ
رب والا، رب دا روپ اصل
ہاں اُس دا عاشق نئیں ڈُلدا
رب بال ودھاون نئیں مِلدا
رب چولے پاون نئیں مِلدا
جد مِلے، تے فر دیر نہ لائیے
ہک دے وِچ بس ہک ہو جائیے
جل جل لَو وِچ لَو ہو جائیے
اپنی ’میں‘ نُوں ’تُوں‘ وِچ پائیے
بس کعبے نال نہ یاری لائیے
کعبے والے نُوں وی پائیے
جد کعبے والا دِسدا ہووے
تے کعبے ول نہ اکھیاں چائیے
رب بال ودھاون نئیں مِلدا
رب چولے پاون نئیں مِلدا
رب نئیں مِلدا تمہیداں توں
رب مکے جاون نئیں مِلدا
نامعلوم
