یارا ڈک لے خونی اکھیاں نوں
سانوں تک تک مار مکایا اے
آج تک کے تیری مخمور نگاہواں نوں
زاہد بھی ایمانوں ہل چلیا
یارا ڈک لے خونی اکھیاں نوں
ایناں تیز نظراں دیاں تِیراں توں
دل پارہ پارہ ہو گئے نیں
یارا ڈک لے خونی اکھیاں نوں
پردے وچ تیر چلونا اے
انج لطف نہیں تیر چلاون دا
یارا ڈک لے خونی اکھیاں نوں
بہ کے کلیاں وچھوڑے والے گیت گاندیاں
اکھ لڑ گئی جہناں دی اوہ نہیں اکھ لاندیاں
یارا ڈک لے خونی اکھیاں نوں
تیر نیناں دے روک وے ماہی
اسی وار جھلن نہیں جوگے
اسی پہلی جھلک مروڑے گئے آں
رہے یار ہلن نہیں جوگے
یارا ڈک لے خونی اکھیاں نوں
ایہہ جاگدیاں نہ وار کرن
ایہہ خواباں وچ وی ڈسدیاں نیں
اکھیاں دا وساہ نہیں سامبھ کے رکھ
پتہ لگدا نہیں کدوں لڑ جاون
یارا ڈک لے خونی اکھیاں نوں
سانوں تک تک مار مکایا اے
دل جان جگر زخمی کیتے نظراں دا تیر چلایا اے
جہنوں دیکھیا اے اوہنوں ماریا اے
شاہ شمس دا گوش لہایا اے
زکریا آریاں ہیٹھ چرایا اے
ایہہ عشق وی اولا ایہدے کم وی اولے
جِدے پیش پے جاندا ککھ چھڈدا نہ پلے
جنہوں دیکھیا اے اوہنوں ماریا اے
پہلے سوچ لے ایہہ عشق لکویا وی نہیں جانا
دلوں جانوں تیتھوں قربان ہویا وی نہیں جانا
جہنوں دیکھیا اے اوہنوں ماریا اے
دس کس نوں پار اتاریا اے
سی ساڑ سٹی مری ہیر جٹی
سوہنی ڈُب گئی پار نہ لایا اے
تیری نظر دے مارے مر گئے آں
تیرے عشق دے ساڑیاں سڑ گئے آں
تیرے کُتیاں دے کوئی پیر چُمے
کوئی بنڑ جوگی گھر آیا اے
اساں چُم چُم سینے رکھیاں نیں
ایہہ خنجر نیں یا اکھیاں نیں
ایہناں چیریا یار پہاڑاں نوں
پٹ چیر کباب بنایا اے
قربان میں ناز اداواں توں
میرے ہمدردا! ہمدردی دا شکریہ
مینوں اِس درد وچ مبتلا رہن دے
نبضاں چھڈ دے طبیبا! تو روگی دیاں
لا دوا مرض نوں بس لا دوا رہن دے
قربان میں ناز اداواں توں
بے قدراں نال لگیاں اکھاں اساں تکدے رہے
اوہ سنگھدے رہے زخم ہوندے رہے
دل روندا رہیا پر نین نیناں نوں ڈنگدے رہے
قربان میں ناز اداواں توں
دل صدقے تیریاں راہواں توں
کوئی ہنس ہنس سُولی چڑھدا اے
کسے الٹا گوش لہایا اے
تیرا تیر نظامی کاری اے
جِند صدقے لکھ لکھ واری اے
مُل نہ کر یارا! اکھیاں دا
میرا دل قربان میری جند صدقے
ایسی نظراں نال پلا ساقی
آ جائے نظر خدا ساقی
ایہناں تیری مست نگاہواں توں
کوثر قربان رضواں صدقے
بند کر نہ در مۓ خانے دا
کر خون نہ یار دیوانے دا
ایہاں تیز کٹاریاں پلکاں توں
حسرت قربان، ارمان صدقے
جند صدقے میری جند صدقے
تیرا یار نظامی دیوانہ
تیری مست نظر دا مستانہ
مخمور نظر دی مستی توں
تن من میرا تے ایمان صدقے
جند صدقے میری جند صدقے
تیرا تیر نظامی کاری اے
جند صدقے لکھ لکھ واری اے
ایویں رُس کے یار دیوانے نوں
کنجری دا ناچ نچایا اے
یارا ڈک لے خونی اکھیاں نوں
سانوں تک تک مار مکایا اے
بری نظامی
