بچ بچ کے اس توں رہو کڑئیے
کسے کار جوگا نہیں چھوڑدا ای
عزت پردیاں وچ نہ رہن دیندا
مڈہوں سکھ دا رکھ اکھوڑدا ای
عشق چم اوتاردا ہو قاتل
سولی چاڑ کے رس نچوڑدا ای
واگاں کربلا نوں پیا موڑدا ای
اندر بانگ بلال حلال ہویا
عشق بہن کے بھن مروڑدا ای
کڈھ تخت ہزاریوں چن رانجھا
وچ جو گئے مٹ دے بوڑدا ای
پتہ قیس اویس تھیں پچھ اینویں
چنڈ مار کے دند منہ پھوڑدا ای
دتا ہیر سیال نوں پیال موہرا
شیریں سنے فرہاد دے روہڑدا ای
ہو جا غرق وچ بحر شرمندگی دے
سر چکیاں تے کم چوڑدا ای
دائم عشق دائم سر وڈھ ویری
خنجر مار کے سراں نوں توڑدا ای
دائم اقبال دائم
