نصیب لکھیا تلی سی قسمے
لکیر تیری گلی سی قسمے
کدوں میں اکھاں نوں اگ لائی
لے اوہ تے اتھر بلی سی قسمے
میں سوچ حجرہ پسند کیتا
اُڈیک راہ تے کھلی سی قسمے
میں یاد منگتی نوں جانڑدا ہاں
ایہ سوکھے گھر دی پلی سی قسمے
جے 'میں' دے گھیرے نوں توڑ دیندا
تے فیر بندہ ولی سی------- قسمے
ایہ سیک خورے لہو دے وچ اے
تلی، تلی تے ملی سی قسمے
میں زندگی دا نچوڑ-- کڈھیا
برف دی ایویں ڈلی سی قسمے
سی موت لبھن دی کالہہ اینی
حیات بھج کے رلی سی قسمے
نفل پڑھے نیں کسے نے شاکرؔ
گھڑی تے میتھوں ٹلی سے قسمے
علی شاکر
