ہٹی اچ جے ماہی وِکے جندڑی دے خریداں
او ہٹی دا مالک سیّو میں تکاں وانگ غریباں
میں نمانی، خاکی، ناپاکی میرا ماہی اُچا سُچا
جُتی جئ اوقات نہ سیّو شوق وانگ حبیباں
عشق اولڑا روگ نی سیّو تن لاگے من جانے
بن پانی دی مچھلی بنی تے کُنڈی ہتھ طیبباں
سرگی ویلے سُفنا آیا چٹا جوڑا ہس ہس پایا
ایس سفنے دے صدقے سَیو ڈھولی پئ اُڈیکاں
متھے ٹیکا، اکھیں کجلا، ہتھیں گجرا ماہی نے ہُن تکنا
ورے ہوئے تانگ نہ ٹُٹی، لکھ طعنے بنے شریکاں
بخت نے جد کُنڈی کھڑکائی کُنڈی ہتھ توں اُچی
بخت آکھن بوہا کھول، صباؔ ہسے وانگ نصیباں
صبا نذیر
