نکھڑ کے میں توں مزاج شاہی دی ہر ادا کوں سنبھال رکھیں
عروج تے جیویں پج گیا ہیں تاں انتظار زوال رکھیں
قدم قدم تے الوچ دل دے ملوک جذبے خراج منگسن
نواں مسافر ہیں دل سنبھالیں سجاک سوچیں کوں نال رکھیں
انا دی مستی کڈاہیں تیکوں نہ واپسی دی دلیل ڈیسی
جڈاں کڈاہیں توں کلہا تھیسیں، وفائیں میڈیاں سوالی تھیسن
ایویں تیکوں اے سمنڑ نہ ڈیسن جواب ڈیویں سوال رکھیں
ہجر دا توں وی شکار تھیسیں اے پہلے پچھلے پہر دی کھیڈ
اے انتظاراں طویل ہوندئن توں ڈیوے اکھیں دے بال رکھیں
میں ڈھیر مدت دے بعد روندے ہوے دل کوں آخر وندال آیاں
توں وی نکھیڑے کوں لیکھ سمجھیں نہ دل دے وچ کوئ ملال رکھیں
خدا کرے جو کڈاہیں تئیں توں خیال غالبؔ جدا نہ تھیوے
وصال رت وچ ہجر دے ماریں بے آسریں دا خیال رکھیں
افتخار غالب
