نئیں پڑھیاں عشق نمازاں جے تُوں
کی پڑھیا تُوں پڑھیا ای نئیں
نئیں وڑیا عشق مسیتی جے تُوں
کِتھے وڑیا تُوں تے وڑیا ای نئیں
نئیں ٹُھڈے کھاہدے دنیا دے
تیرا نفس تَھڑے تے نئیں وِکیا
نئیں مُل لگا دلداراں توں
اِنج بن دی کڑھدی دنیا توں
تُوں نئیں کڑھیا تُوں کڑھیا ای نئیں
نئیں پڑھیاں عشق نمازاں جے تُوں
کی پڑھیا تُوں پڑھیا ای نئیں
نئیں بُلھا بنیا حور قصور نئیں تکیا
تُوں کی تکیا
نئیں سولی چڑھیا منصور دے وانگوں
تُوں کی چڑھیا وے اڑیا
تُوں دنیا روگی بنیا تیرا کی بنیا ؟
تُوں تے جمیا ای نئیں
نئیں رُلیا تخت ھزارے تُوں
نئیں زہر دا پیالہ پی آیا
نئیں پائیاں دھمالاں یار دیاں
تُوں جی آیا کی جی آیا
تُوں عشق سمندر ڈُبیا نئیں
سونہہ رب دی فیر تُوں تریا ای نئیں
سائیں بننا ایڈا سوکھا نئیں
کئی روپ وٹائے ہوئے نے
اسیں اپنے ناں نُوں بھل بیٹھے
اسیں بھیس وٹائے ھوئے نے
تُوں سائیں رب نُوں بھل بیٹھا
تیرا کی بنیا ککھ بنیا ای نئیں
نئیں پڑھیاں عشق نمازاں جے تُوں
کی پڑھیا تُوں پڑھیا ای نئیں
