چن سجناں موڑ مہاراں
تینوں رو رو واجاں ماراں
آ، سانول میرے، تینوں اڈیکاں
ڈھولا شام سویرے تینوں اڈیکاں
چن سجناں موڑ مہاراں
تینوں رو رو واجاں ماراں
ڈھولا شام سویرے
کسے دا یار نہ پردیس جاوے
وچھوڑا نہ کسے دے پیش آوے
اوسیاں پاواں، کاگ اڈاواں
ہجر تیرے وِچ مر مر جاواں
جُگ جُگ جیویں خیر مناواں
جے گھر آویں صدقے جاواں
آ، لے تتڑی دیاں ساراں
تینوں رو رو واجاں ماراں
آ سانول میرے، تینوں اڈیکاں
ڈھولا شام سویرے تینوں اڈیکاں
دیوے بالاں پیر مناواں
سن لے میری ہاڑے ہاواں
ڈونگے پینڈے لمیاں راہواں
بوہڑ طبیبا مر نہ جاواں
آ پچھ لے حال بیماراں
تینوں رو رو واجاں ماراں
آ سانول میرے تینوں اڈیکاں
ڈھولا شام سویرے تینوں اڈیکاں
میں باندی تُوں من دا راجا
گل نال لا کے روگ مُکا جا
میں تتڑی نُوں سینے نال لا جا
وقت نزع دا چھیتی آ جا
تینوں تک تک اکھیاں ٹھاراں
تینوں رو رو واجاں ماراں
آ، سانول میرے، تینوں اڈیکاں
ڈھولا شام سویرے تینوں اڈیکاں
میں جھلی میں تیری ہولی
دم دم بولاں تیری بولی
سب ریناں توں جندڑی کھولی
دید دی سوہنیا بھر دے جھولی
مینوں سُنجیاں لگن بہاراں
تینوں رو رو واجاں ماراں
آ، سانول میرے، تینوں اڈیکاں
ڈھولا شام سویرے تینوں اڈیکاں
مزمل سفری
No comments:
Post a Comment
Note: only a member of this blog may post a comment.