کسے دا نئیں کوئی ایتھے یار سارے جھوٹے نیں
جھوٹیاں محبتاں تے پیار سارے جھوٹے نیں
کسے دا نئیں کوئی ایتھے یار سارے جھوٹے نیں
جھوٹے ایتھے عاشقاں دی عاشقی دے رنگ نیں
کچے دھاگے وانگ ایتھے سنگیاں دے سنگ نیں
کرے کوئی کدا اتبار سارے جھوٹے نیں
کسے دا نئیں کوئی ایتھے یار سارے جھوٹے نیں
مالی ایتھے باغاں دی بہار ویچ دیندے نیں
کلیاں تے پھلاں دا سنگار ویچ دیندے نیں
کردے نیں پیار دا بیوپار سارے جھوٹے نیں
کسے دا نئیں کوئی ایتھے یار سارے جھوٹے نیں
اوہو تن جانڑدا اے جنوں یار لگیاں
پیار پا کے دھوکے باز کردے نیں ٹھگیاں
سوہنیاں دے قول تے قرار سارے جھوٹے نیں
کسے دا نئیں کوئی ایتھے یار سارے جھوٹے نیں
ایس ایم صادق
(شیخ محمد صادق حسین)
No comments:
Post a Comment
Note: only a member of this blog may post a comment.