موت دا منظر ویکھ رہیا واں
اپنے اندر ویکھ رہیا واں
اپنے آپ نوں لگدا اے میں
ہوندا کافر ویکھ رہیا واں
اک دوجے توں دُور کھلوتے
مسجد مندر ویکھ رہیا واں
عشق دھمالاں پائی جاندا
مست قلندر ویکھ رہیا واں
اِک اتھرو دے اندر اج میں
اِک سمندر ویکھ رہیا واں
آس دے سورج وچ ہنیرا
روز برابر ویکھ رہیا واں
ارشد مُڈھوں پُکھ مُکاوے
اِنج د ا رہبر ویکھ رہیا واں
ارشد منظور
No comments:
Post a Comment
Note: only a member of this blog may post a comment.