ہوئے نہیں تیرے اسیر، چلے
لے نی دنیا فقیر چلے
خون لا کے قمیض تے اوہ
چال یوسف دے ویر چلے
نال جنہاں سی پگ وٹائی
کر کے سانجھاں نوں لیر چلے
وَین رانجھے دی بانسری تے
لے کے کھیڑے نے ہیر چلے
حاکماں دی سُناواں کیہڑی
ویچ اپنا ضمیر چلے
ہن نہ اَڑیے دُہائیاں دے
تیر مرزے نوں چیر چلے
حالے باقی اے روح دا پَینڈا
کِتھے مُنکر نکیر چلے
ویکھ لُٹ کے مرید کیفی
نال شاناں دے پیر چلے
فیصل منظور کیفی
No comments:
Post a Comment
Note: only a member of this blog may post a comment.