ورہیاں دا جگراتا کیہ اے
سانوں پُچھ، اکلاپا کیہ اے
تیرے مگروں چین ذرا نئیں
تیرے باجھ گواچا کیہ اے
بس اک تیرا ہِجر اے نئیں تے
سانوں ہور سیاپا کیہ اے
تُوں ساڈے لئی ساری دنیا
ساڈے بھاویں دنیا کییہ اے
دو تِن قَسماں تے کُجھ سُفنے
اینے دے وچ آندا کیہ اے
ہُن توں دل چوں لہندا کیوں نئیں
تیرا ساڈا جھگڑا کیہ اے
ڈُبدا دل تے ڈُبدا سورج
ایہہ سب کھیڈ تماشا کیہ اے
ابرار ندیم
No comments:
Post a Comment
Note: only a member of this blog may post a comment.