سوہنے سینے لا لیا
آقاﷺ دے وچھوڑیاں توں
اکھیں دے پتیلیاں اچ
تپدے پئے پانیاں نوں
ہجراں دے سیکیاں نے
جد وی اُبالیا
سوہنے سینے لا لیا
ایسے لئی سوچدے نہیں
حشراں تے دوزخاں نوں
کیوں جُو غلاماں ول
جد وی مُہاڑ کر
تتڑی ہوا لیا
سوہنے سینے لالیا
راہواں تے مدینے ول
ٹُردے مسافراں نے
سِکدے پئے دیدیاں نوں
راتاں دے ہنیریاں اچ
کدھرے گنوا لیا
سوہنے سینے لالیا
عاصم پڑھیار
عاصم پڈھیار
No comments:
Post a Comment
Note: only a member of this blog may post a comment.