ساری آکڑ کھوہ لیندا اے
ویلا ایسراں جوہ لیندا اے
ویلے تُوں کوئی بِھیت نہیں لُکدا
ویلا نبضاں ٹوہ لیندا اے
ماڑے دا بَس زور اے اینا
ماڑا کُھل کے رو لیندا اے
سارے ساک نیں جیوندی جانے
موئیاں کیہڑا ٹوہ لیندا اے
ہُن تے لوکی رنگ تَکدے نیں
ہُن کیہڑا خُشبو لیندا اے
بعضے ویلے وَٹ مَتھے دا
پورا بندہ کوہ لیندا اے
ابرار ندیم
No comments:
Post a Comment
Note: only a member of this blog may post a comment.