سُولی اُتے چڑھنا اوکھا
شام سویرے مرنا اوکھا
مُنہ تے ہر کوئی کر لیندا
یاد دِلاں وچ کرنا اوکھا
شمع دا دیوانہ ہر کوئی
وانگ پتنگاں سڑنا اوکھا
غیراں نال تے ہر کوئی لڑدا
نفس اپنے نال لڑنا اوکھا
ہر کوئی تارُو بن بیٹھا اے
عشق سمندر تَرنا اوکھا
ناں کرنا ابلیس دا کم ایں
سِر پیراں تے دھرنا اوکھا
جِت پیاری سب نوں گوہر
یار دی خاطر ہرنا اوکھا
گوہر فرید
No comments:
Post a Comment
Note: only a member of this blog may post a comment.