سچیاں گلاں کر کے خوش آں
"جان تلی تے دھر کے خوش آں"
کلیاں جیونا اوکھا لگدا
میں تیرے نال مر کے خوش آں
مسجد، مندر، چرچ، کلیسا
اِکو تھاں تے دھر کے خوش آں
تھر دی پیاسی دھرتی اُتے
بدلاں وانگوں ورھ کے خوش آں
سجناں کولوں جِتی دا نہیں
سجناں کولوں ہر کے خوش آں
انھی ڈائن تفرقے والی
میں اوہدے توں ڈر کے خوش آں
ہِجرا! تیرا وار کلہنا
سینے اُتے جر کے خوش آں
ناں عبداللہ ماں نے رکھیا
اللہ اللہ کر کے خوش آں
عبداللہ سفیر
No comments:
Post a Comment
Note: only a member of this blog may post a comment.