ٹُر جائے اک وار دوبارہ ماں نئیں لبھدی
ساگ نوں لایا ماں نے دیسی گھیو دا تڑکا
روٹی اُتے ریجھ ناں لایا تازہ مکھن
نال ای رکھ دِتّی ٹھنڈی، چاٹی دی لسی
سِر تے میرے پھیر کے ہتھ ماں آکھن لگی
روٹی کھا لے میرا سوہنا، میرا پُتر
پہلی بُرکی پوندیاں ای اکھ کھُل گئی میری
دل دے وچ اک ٹیس اُٹھی کہ؛ سُفنا سی ایہہ
سورج چڑھدے تک میں ایسے سوچیں ڈُبیا
ٹُر گئے لوک سیانے، لے گئے دور پُراناں
کِدھرے وی اوہ بوڑھ دی ٹھنڈی چھاں نئیں لبھدی
تن وی، دھن وی وار اسد پر فائدہ کوئی نئیں
ٹُر جائے اک وار، دوبارہ ماں نئیں لبھدی
اسدالرحمٰن
No comments:
Post a Comment
Note: only a member of this blog may post a comment.