بوہڑ اتوں منت آلا دھاگہ چھٹدا ویندے
لگدے پیر شیرازی سونہڑا ساکوں بھلدا ویندے
تیکوں کیویں سمجھ آوے جگ جیونڑ دا قصہ
رولنڑ آلا رول کہانڑی اندر رلدا ویندے
ہولے ہولے وہندھا ویندے اکھیں آلا دریا
ایں گالہوں تاں سندھو سیئں دا پانڑی مکدا ویندے
تیڈی جھوک ءچ قید تھیا ہے میڈے دل دا پکھڑوں
وت کیوں اکھ دا پیپٹ تیڈی گلی اڈدا ویندے
عباس کھر
No comments:
Post a Comment
Note: only a member of this blog may post a comment.