زندہ رہنا چاہوے جے مزدور کوئی
بھکھ نوں مارے، یاں توڑے دستور کوئی
پُتر مریاں پیو کیوں انھا ہو جاندائے
پُتر ہندا اے اکھاں دا نور کوئی
کل ویلے نے ہتھیں سولی ٹنگیا سی
اج ویلا خود منگدا اے منصور کوئی
آخر ساہواں تیکر دوزخ سڑدی اے
گھر دی جنت وچوں نکلی حور کوئی
اکھ دی لالی ایویں سیکا نئیں دیندی
سینے اندر بلدا اے تندور کوئی
زندگی اینے دھکے دیندی یار ظفر
بوہے گنڑدا رہندا اے مجبور کوئی
ظفر اقبال چونیاں والے
No comments:
Post a Comment
Note: only a member of this blog may post a comment.