جدید پنجابی سرائیکی شاعری
ہوا ایں زور دی ہئی دید والیں دید نئیں کیتی
اساں روزے غزل دے رکھ کرائیں عید نئیں کیتی
فقط ایں جرم وچ لفظیں دے تاجر بغض رکھدے ہِن
ادب دے افلاطونیں دی کوئی تقلید نئیں کیتی
اساں ہک عہد کیتا ہا اساں ہک عید کیتی ہئی
ولا کوئی عہد نئیں کیتا ولا کوئی عید نئیں کیتی
سرو پکھی دے کھمب وانگوں تیڈی وسوں توں اڈریے ہیں
تیڈے شہر اِچ ہزاراں ارتھ ہن امید نئیں کیتی
جے آہدا تاں میں بیٹھا رہ ونجاں ہا اوندے رستے تیں
میں ول آساں اوں ویندی وار اے تاکید نئیں کیتی
گوانڈھیں نال ملدا ہے الیندا ہے تیں کھلدا ہے
اساڈو دید اج تونڑیں ولا بے دید نئیں کیتی
چِھبِھیندا تہمتیں دی بارشیں وچ رہ گیا شفقت
تیڈے شہر اِچ میڈے سچ دی کہیں تائید نئیں کیتی
شفقت بزدار
No comments:
Post a Comment
Note: only a member of this blog may post a comment.