شیشے اتے دھوڑاں جمیاں کندھاں جھاڑی جاندے نیں
جلداں سانبھ رہے نیں جھلے، ورقے پاڑی جاندے نیں
اوہناں دا وی تونہیؤں رب ایں، ایہدا اج جواب تے دے
عیداں والے دن وی جیہڑے کرن دہاڑی جاندے نیں
جیہناں دے گل لیراں پئیاں اوہناں ولے تکدے نئیں
قبراں اُتے طِلے جَڑیاں چدراں چاڑھی جاندے نیں
رسی کتھوں تیک کریں گا ڈِھلی اوہناں لوکاں دی
جیہڑے اک حویلی بدلے جُھگیاں ساڑی جاندے نیں
شیشے اُتے مَلے سیاہیاں حق اے میرے دشمن دا
سجناں نوں کی بنیاں میرے پھل لتاڑی جاندے نیں
چل اوئے بابا نجمیؔ اپنے پنڈاں نوں منہ موڑ لئیے
شہراں دے وسنیک تاں اپنے شہر اجاڑی جاندے نیں
جلداں سانبھ رہے نیں جھلے، ورقے پاڑی جاندے نیں
اوہناں دا وی تونہیؤں رب ایں، ایہدا اج جواب تے دے
عیداں والے دن وی جیہڑے کرن دہاڑی جاندے نیں
جیہناں دے گل لیراں پئیاں اوہناں ولے تکدے نئیں
قبراں اُتے طِلے جَڑیاں چدراں چاڑھی جاندے نیں
رسی کتھوں تیک کریں گا ڈِھلی اوہناں لوکاں دی
جیہڑے اک حویلی بدلے جُھگیاں ساڑی جاندے نیں
شیشے اُتے مَلے سیاہیاں حق اے میرے دشمن دا
سجناں نوں کی بنیاں میرے پھل لتاڑی جاندے نیں
چل اوئے بابا نجمیؔ اپنے پنڈاں نوں منہ موڑ لئیے
شہراں دے وسنیک تاں اپنے شہر اجاڑی جاندے نیں
بابا نجمی
