چن دے نال پریتاں جدید پنجابی شاعری
چن دے نال پریتاں لائیاں کیہ کھٹیا
پیار دیاں نت پینگاں پائیاں کیہ کھٹیا
اوہدا ناواں چم چم رکھیا اکھیاں تے
میں تے ویکھو توڑ نبھائیاں کیہ کھٹیا
اس پہیے تے خوشیاں لبھ لبھ تھکیا میں
کر کے اوہدے نال اشنائیاں کیہ کھٹیا
ترلے کیتے اس جاندے نوں روکن لئی
پائیاں دل نیں حال دہائیاں کیہ کھٹیا
میں تے اوہنوں محفل محفل لبدا سی
پلے پئیاں نیں تنہائیاں کیہ کھٹیا
کر کے مینوں کملا جھلا حامد شاہ
خوشیاں جے کر ہتھی آئیاں کیہ کھٹیا
سید حامد شاہ بخاری
No comments:
Post a Comment
Note: only a member of this blog may post a comment.