جدید پنجابی شاعری
اُنجے گل اپُٹھی اساں نال کلیجے لائی
آپے آپنی جِندڑی رولی، متھے جگ دے لائی
بدلاں چوں اسمان دا پِنڈا، سانوں ننگا دِسیا
چولے نالوں ٹاکی پاڑ کے اساں اُتّے لائی
کُھلی ڈُلھی ہو کے رہندی، ڈھولے ماہیے گیندی
چار دِناں دی زندگی اسّاں کمّاں تھلے لائی
لوکی دَین ممارکھاں سانوں، اِی تے جانڑدے اسیں
کیکن دِھئیو دی ڈولی اسّاں، سِرے بنّے لائی
جھٹ دا جھٹ ای نظری آیا، ہسُّو ہسُّو مُکھڑا
دل نوں پائی بھسُوڑی اسّاں، اکھ دھیانے لائی
قابل جعفری
رفاقت محمود
No comments:
Post a Comment
Note: only a member of this blog may post a comment.