جدید پنجابی پوٹھواری پہاڑی شاعری
چھوڑی شوڑ پردیسیں نے ہیر پھیر چنا
اوے وطنے نی طرفہ منہ پھیر چنا
پھاواڑیا نا ساگ کھائی طہ گزارا کرسا
ہلسا والا ہن لائی شوڑ دیُو پھیر چنا
وطنے نی طرفہ منہ پھیر چنا
تُو زی مہاڑا دیو پھیر چنا
اپنے چیغن مرچیاں راسا وچکار ڈوغے ایچ
محنت کیتی تہ کھادے نا مال ٹھیر چنا
وچھوڑے نی جندڑی غمیں کنیں کہٹی گئی
اچھی بھیڑے اچ رونقیں نا میلہ کہیر چنا
وطنے نی طرفہ منہ پھیر چنا
تُو زی مہاڑا دیو پھیر چنا
داڑونے کنے طہ پودنے والی چٹنی بناسا
وچ تھوڑی اکھوڑیں نی جخنی بہاسا
مکہ نی رٹی طہ جمہ نا دھد لسی بناسا
ساگیں اچ مکھنے نا وی پورا سیر بہاسا
وطنے نی طرفہ منہ پھیر چنا
تُو زی مہاڑا دیو پھیر چنا
امتیاز فہیم
No comments:
Post a Comment
Note: only a member of this blog may post a comment.