جدید پنجابی شاعری
ساج سجن اوہ دسدا ناہیں لگ رہی حیرانی وے
گلیاں دے وچہ پھران ڈھونڈنیڈی کملی ہوئے دیوانی وے
راتیں نینن نیند نہ آوے دہیں نہ سُرت ٹکانے وے
ایسن جیون تہیں مرن بھلاجی کول نہ ہووے جانی وے
میاں ہنس کھیڈن گاؤن، میہ ہاں چوپاتی وے
برہوں برچھی ماری کاری پھٹ لگا وچ چھاتی وے
ہے بے درد اور دنہ کیتو مار قہری دی کانی وے
ایسن جیون تہیں مرن بھلا جی کول نہ ہووے جانی ہے
کس نوں آکھان دلبر باجھوں دل دی برتھا ساری وے
لگا روگ وچھوڑے والا کون کرے گا کاری وے
دن تے رات ترنڈیاں جائے جیئوں مچھلی بن پانی وے
ایس جیون تھیں مرن بھلا جی کول نہ ہووے جانی ہے
باجھ تیرے ہن کوئی نہ میرا ساک نہ انگ سہیلی وے
تن اچوی دل گہا برچنتا کہادن پوے حویلی وے
روندیان رونیان ندیان وگیان چلے وہن طوفانی وے
ایسن جیون تھیں مرن بھلا جی کول نہ ہووے جانی وے
اس دنیا وچ سُکھ نہ پایا جاندی جی جائی میں
مار برہون نے گھائل کیتی نج جنیدی مائی میں
گُجھے پھٹ فراقاں والے گل نہ کراں زبانی وے
ایس جیون تھیں مرن بھلا جی کول نہ ہووے جانی وے
سورج باجھوں رین جو نیکر دیوانے باجھ اندھیرا وے
پیسے باجھوں جیوں کردا تائیوں تدہ بن گہر میرا وے
آیں نیوں صدقے جاواں توں میری زندگانی وے
ایس جیون تھیں مرن بھلا کول نہ ہووے جانی وے
مہنے مارن لوک چو طرفوں ہر کوئی آن ستاوے وے
نان گھر سس نہ سوہرا دیور کھڑا درد ونڈاوے وے
ناں کوئی بالا، ناں کوئی بالی ناں ناں انجانی وے
ایس جیون تھیں مرن بھلا جی کول نہ ہووے جانی وے
نتِ شریک شریکا کردے رہن ہمیشہ ڈردی میں
ایسی جان شکنجے آئی، ناں جیواں نہ مردی میں
لکھیا لیکھ نہ میٹی کوئی ڈاہڈہی قلم وگانی وے
ایس جیون تھیں مرن بھلا جی کول نہ ہووے جانی وے
لتن تنبن بھل گیا نیوں پونیاں نوں اگ لاواں میں
کنبن تھی تے چِت نہ لگدا تند کو نیکر پاواں میں
نینن مل جاواں گھول گھماواں آ مل یار گمانی وے
ایس جیون مرن بھلا جی کول نہ ہووے جانی وے
کون مالک بین بندی میرے آتش دے چنگیاری جے
توں سونا میں چھاپ تیری اک تو ہیں آپ سنواری جے
کشن سنگھ تو ساگر افضل میں جیون بوند نمانی وے
ایس جیون تھیں مرن بھلا جی کول نہ ہووے جانی وے
کشن سنگھ عارف
No comments:
Post a Comment
Note: only a member of this blog may post a comment.