جدید پنجابی شاعری
وصیت
میں اپنی وصیت لکھ لئی اے
تاں جے بعد وچ
ونڈدے ویلے، رولا نہ پئے
میرا جو کجھ وی ہے
اوہدے چار حِصّے کیتے جان
پہلا حِصہ بارش لئی
دُوجے حِصّے دا ادھا
پورے چن دی چاننی لئی
باقی ادھا، میرے وائلن لئی
تیجے حصے دا ادھا
شہر دے باگاں وچ
اپریل دے مہینے
کھِڑن والے پھُلاں لئی
باقی ادھا حِصہ
اوس جھیل لئی، جہدے وچ
اوہدیاں اکھیاں ورگے
کمل دے پھُل تَردے نیں
تے باقی جو کجھ بچے
اوہ کسے لایبریری نوں دتا جاوے
راشد حسن رانا
No comments:
Post a Comment
Note: only a member of this blog may post a comment.