پنچھی ہو جاواں
جی چاہے پنچھی ہو جاواں
اُڈدا جاواں، گاوندا جاواں
ان چھوہ سِکھراں نو چھوہ پاواں
ایس دُنیا دیاں راہواں بھل کے
پھیر کدی واپس نہ آواں
جی چاہے پنجھی ہو جاواں
جا اشنان کراں وِچ زم زم
لا ڈِیکاں پِیاں ڈان دا پانی
مانسروور دے بہہ کنڈھے
ٹٹا جیہا اک گیت میں گاواں
جا بیٹھاں وچ کھڑیاں رُوہیاں
پَھکاں پوناں عطر سنجوئیاں
ہِم ٹیسیاں موئیاں موئیاں
یُگاں یُگاں تُوں ککر ہوئیاں
گُھٹ کلیجے میں گرماواں
جی چاہے پنچھی ہو جاواں
ہوئے آہلنا وچ شہتوتاں
جاں وچ جند کریر سروٹاں
آئوں پُرے دے سِیت پھراٹے
لچکارے ایوں لَین ڈالیاں
جیوں کوئی ڈولی کھیڈے جڑیاں
وال الاری لے لے جھوٹاں
اک دن ایسا جھکھڑ جُھلے
اُڈ پُڈ جاون سھے تِیلے
بے گھر بے در میں ہو جاواں
ساری عمر پِیاں رس غم دا
ایسے نشے وچ جِند ہنڈاواں
جی چاہے پنچھی ہو جاواں
شو کمار بٹالوی
