پاکستانی،پنجابی، سندھی، بلوچی، پشتو، ہندکو، پوٹھواری،کشمیری، پہاڑی، گوجری، شینا، سرائیکی، براہوی زباناں دی شاعری دے سوہنے، سجرے تے رنگلے پھلاں نال سجیا ہویا شعری گلدستہ Punjabi, Sindh, Blochi, Pushto, Hindko, Pothwari, Kashmiri, Pahari, Gojri, Shina, Saraiki, Brahavi & other, regional, poetry
جدید پنجابی شاعری
وارث، بلہے ورگے بیٹھے، ہنس وسار پنجابی نے
کِسراں آکھاں ماں بولی دے برخوردار پنجابی نے
بالاں دے منہ جہڑے اکھر چوغے وانگوں دینے سن
اوہناں بدلے پھڑ پھڑ اوبڑ تندے یار پنجابی نے
اچن چیتی وی نہ لاویں میرے متھے اوہناں نوں
جہڑے وی اس دھرتی اتے بدبو دار پنجابی نے
جدید پنجابی شاعری
ہتھ میں اوہدے چُماں
جیہڑا خالی ٹھوٹھے بھردا اے
حق کسے دا کھسّن والا
مینوں چنگا لگدا نہیں
بابا نجمی
متراں نوں ماں بولی دیہاڑ دی بدہائی
امبر دا میں بُوہا کھول کے ویکھاں گا
رب دے نال پنجابی بول کے ویکھاں گا
کِناں بھار اے میرا اوہدے ویہڑے وچ
اوہدے تکڑ اُتے تول کے ویکھاں گا
بابا نجمی
نعتیہ قطعہ
میں وی تیریؐ شان تے لکھاں کر میری امداد
سو سو گز دے تھان تے لکھاں کر میری امداد
غاراں دے وچ ہنجو ڈولھے جہناں میرے لئی
اوہناں دے احسان تے لکھاںم کر میری امداد
بابا نجمی
جھکھڑاں اگے تاہیوں اڑیا ہویا واں
لوکاں نالوں وکھ نہ کھڑیا ہویا واں
اج وی جہڑے کہن قصیدے حاکم دے
اوہناں شاعراں کولوں سڑیا ہویا واں
جہڑے نال ٹُرے سن، کدھر ٹر گئے نے
وختاں نوں میں کلا پھڑیا ہویا واں
اکھراں وچ سمندر رکھاں، میں اقبال پنجابی دا
جھکڑاں دے وچ رکھ دِتا اے دِیوا بال پنجابی دا
دُھوڑاں نال کدے نہیں مرنا، شیشے دے لشکارے نے
جِنی مرضی تِکھی بولے اردو، بال پنجابی دا
لوکی منگ منگا کے اپنا بوہل بنا کے بہہ گئے نیں
اساں تے مٹی کر دِتا اے سونا گال پنجابی دا