جاگی نویں سویر، بیلیؤ
جاگی نویں سویر
کرناں اگیاں نور پسریا، ہویا دور ہنیر
جاگی نویں سویر
ساڈے گھر دیوالی آئی، بیت گیا بنواس
ساڈا خون تے ساڈی محنت آ گئے سانوں راس
کامے دے سر سہرا بجھا
سوچیں پیا کبیر، بیلیؤ
جاگی نویں سویر
نویں ونجھلی نویں ترانے، چھڑ گئے نے نو راگ
صدیاں جھلی اساں غلامی، ہن ملیا سوراج
اج ساڈی اس سون چڑی دے
فٹ پئے نے پر پھیر، بیلیؤ
جاگی نویں سویر
نھیرے دے سنگ گھلدے ہو گئے لکھاں چن شہید
لہواں دے سنگ نھا کے آئی، چناں والی عید
جگاں جگاں تک امر رہن گے
اوہ ۔۔۔۔ دے شیر، بیلیؤ
جاگی نویں سویر
کرناں اگیاں نور پسریا، ہویا دور ہنیر
بیلیؤ، جاگی نویں سویر
شو کمار بٹالوی
