جدید پنجابی شاعری
لام لگڑی بھاہ پریم دی نی
مائی! ہوت گئے ساڑ بال مینوں
ہائے ہائے! وچھوڑا پنوں یار والا
مائی! نہیں سی خواب خیا ل مینوں
جیہڑی رب بھاوے آہا کجھ ہوسی
مائی! نال وچھوڑے نکال مینوں
جدید پنجابی شاعری
لام لگڑی بھاہ پریم دی نی
مائی! ہوت گئے ساڑ بال مینوں
ہائے ہائے! وچھوڑا پنوں یار والا
مائی! نہیں سی خواب خیا ل مینوں
جیہڑی رب بھاوے آہا کجھ ہوسی
مائی! نال وچھوڑے نکال مینوں
جدید پنجابی شاعری
لام۔ لکھ کروڑ قربان کیتے
تیرے عشق ادائی دی آن تے نی
تیری نازکی دیکھ حیران ہوئے
سارے سوہنے جمل جہاں دے نی
کس واسطے کجل پا ونی ہیں
تیرے نین ہی شوخ طوفان دے نی
کلاسیک پنجابی شاعری
سسی پنوں
سسی آن ڈٹھا وچ نیندر ہوت بے ہوش جو خوابوں
سورج وانگ شعاع حسن دی باہر پوس نقابوں
جے لکھ پا صندوق چھپائیے آؤگ مشک گلابوں
ہاشم حسن پریت نی چھپدی تارک ہون حجابوں
ہاشم شاہ
تسبیح بہت بھواون کسبی، جنہاں دام فریب بچھایا
کر کر گیان سناون سیانیں، نہ اَت بدھ شیخ کہایا
مطلب جو اسرار الٰہی، اوہناں ہرگز مُول نہ پایا
ہاشم سمجھ رسائین والے، کدی اپنا آپ لکھایا
ہاشم شاہ
عشقا بال چخا وِچ پاویں، تاں میں انگ نہ موڑاں ذرا
مُکھ موڑاں تاں کافر تھیواں، جے سِیس دھراویں ارا
شوق شراب پلائیو مینوں، ہُن ہویا مست مقرا
ہاشم نہیں، رہو ہُن تُوں ہی، ہُن میں وِچ میں نہ ذرا
ہاشم شاہ
گھر وِچّ لَکھ دُشمن لکھ دوست، توں باہر پھریں ڈھوڈیندا
دعویٰ حِرص غرور جہانی، نہیں گھر وِچ حُکم منیندا
ایہہ دُشمن گھر دے لکھ سُولاں، نہیں جب لگ صاف کریندا
جیوندیاں وِچ جان نہ ہاشم، جیندے گھر وِچ شیر بوکیندا
ہاشم شاہ
مائے بیٹھ اکھیں وِچ ویکھیں، مینوں چاک کیہا کجھ دِسدا
بیلے مگر تِنہاں دے چِیرے، جیندا نام نہیں پُت کِسدا
کھیڑے چھوڑ ماہی در پائیو، کوئی شان لباس نہ جِسدا
ہاشم پِیڑ تِسے تَن ہووے، کوئی گھا دکھاوے جسدا
ہاشم شاہ