رنگت گلزار دی اور گلزار ہووے

 جدید پنجابی ہندکو شاعری

ابر آسماں تے نمودار ہووے

چاروں پاسے موسم بہار ہووے

رنگت گلزار دی اور گلزار ہووے

جے گر دست در دست دلدار ہووے

آوے ہوا تے کرے باغ باغ دل نوں

بیان وصل دا کر دی ستار ہووے

بہتر سی بہتر اس جہان اندر

 جدید پنجابی ہندکو شاعری

بہتر سی بہتر اس جہان اندر

ہر ہک چیز ہوندی ایجاد رہسی

باعث ترقی دے نال ہر دم

اے دُنیا ہوندی آباد رہسی

جس چمن دا مالی بیدار ہوندا

او چمن نہ کدی برباد رہسی

اس عرب دی پاک زمین اتے

 کلاسیکی پنجابی ہندکو شاعری

اس عرب دی پاک زمین اتے

کئی وڈے وڈے نامور گزرے

ابوبکر صدیقؓ تے حضرت عمرؓ جیسے

کئی صادق تے زور آور گزرے

عثمان غنیؓ تے علی حیدرؓ جیسے

سخی داتا تے نامور گزرے

مسلم دیکھ پئے کفار رل کے

 کلاسیکی پنجابی شاعری

مسلم دیکھ پئے کفار رل کے

تنوں ہر جگہ پئے لتاڑدے ون

حامی کُفر دے پئے مسلمان ہو کے

مسلماناں دے کہار پئے ساڑدے ون

تنوں پلا کے شراب نفاق والی

کافر بیخ تیری پئے اکھاڑ دے ون

روندیاں روندیاں رات گزاراں

 کلاسیکی پنجابی شاعری

روندیاں روندیاں رات گزاراں

کس در جا کے تِنوں پکاراں

صُورت خواب وِچ ویکھ کے تیری

اُٹھ وحشت وِچ ہو کے ماراں

دل سینے وِچ پھٹ گیا میرا

خون جِگر دیاں نِکلن دھاراں