رنگ وطن: آزر جمال

Showing posts with label آزر جمال. Show all posts

Saturday, 21 May 2016

آوے ایسا موڑ کہانی وِچ

پانی وی تے ڈبّے پانی وچ

قسمت ونڈاں پاوے، ورنہ تے

فرق نہیں کجھ گولی، رانی وچ

کِنے درد کہانی ہوئے

کِنے اتھرو پانی ہوئے

چَس جیون دی اے تاں آزرؔ

جے کر سوہنا ہانی ہوئے

آزر جمال

جیون خاطر کی نئیں کِیتا

ڈاہڈے نوں پر جی نئیں کِیتا

جاندے نُوں سی ڈکنا اوکھا

دل وی میرا سی، نئیں کِیتا

اِک دِیاں ہُن چار بنائی پھِردے نیں

کھَمباں دے اوہ ڈار بنائی پھِردے نیں

یاد کدی وی کیتا تینوں نہ رویاں

گَلاں ایویں یار بنائی پھِردے نیں

جِین مصیبت ساڈے بھا دی

پِیڑ سہیلی نِکّیوں لا دی

لکھ پئے آکھو سانجھی پِیڑ

جَرنی اے پر آپو آدی

مِتراں وَل دی کھڑکی کھولو

جے کر لوڑ اے ٹھنڈی وا دی

آزر جمال

آٹے چوں کی روٹی نکلے

قسمت ای جد کھوٹی نکلے

انج حیاتی نکلی جیونکر

جُتی پیروں چھوٹی نکلے

آزر جمال