اساں چیتر بہار دے چتریے ہوئے

 پنجابی سرائیکی شاعری

اساں چیتر بہار دے چتریے ہوئے

اساں سنگریے سنوریے ستریے ہوئے

اساں اپڑیں اکھ تے نتریے ہوئے

تیڈے پیریں پوونڑ آئے ہاسے

اساں آپ کوں دهوونڑ آئے ہاسے

ساکوں اپڑیں پیریں پوونڑ ڈے

اساں جیندیں نال ہسے اساں موئیں دے نال ہسے

 جدید پنجابی سرائیکی شاعری

اساں جیندیں نال ہسے اساں موئیں دے نال ہسے

اساں سیپ دے نال وی ہیں اساں سوئیں دے نال ہسے

اساں وا دے جھولے ہیں اساں چیرے چولے ہیں

اساں لیریں نال ہسے بسکوئیں دے نال ہسے

کوئی کھیر اتھاں نہ کھنڈ ہے ہر سمت وہولے ونڈ ہے

اساں لائیں دے نال ہسے اساں بوئیں دے نال ہسے

واہ واہ وے سانول تیڈے ونڈ ونڈارے

 جدید پنجابی سرائیکی شاعری

واہ واہ وے سانول تیڈے ونڈ ونڈارے

کتھاہیں پانڑی مِٹھڑے کتھاہیں اصلوں کھارے

تیڈیاں رانداں کجھڑیاں، کہیں وی نہ بجھڑیاں

پریں تئیں اوشا ہے پریں تئیں اندھارے

سبھے واہا وکڑے، ولا کیتے تکڑے

اساں نال ڈاندیں دے کیتے کمارے

چرخے تیڈے ترکے تیڈے پونڑیاں تیڈیاں پنڑدے ودوں

جدید پنجابی سرائیکی شاعری

چرخے تیڈے ترکے تیڈے پونڑیاں تیڈیاں پنڑدے ودوں

تانگهاں تیڈیاں تانڑیاں تیڈیاں تنڑدے ودوں وونڑدے ودوں

تن تار ہے ساه ڈور ہے، چپ دے سلهڑ ہک شور ہے

چوکاں تیڈیاں ٹوکاں تیڈیاں سہندے ودوں سنڑدے ودوں

آصف جواری لوک ہیں تیڈے پجاری لوک ہیں

ہاسے تیڈے ہردے ودوں جهنڑکاں تیڈیاں جھنڑدے ودوں

ٹھڈے مٹھےجھولے ہن سندھڑے دی شام اے

ٹھڈے مٹھےجھولے ہن سندھڑے دی شام اے

پنل دی بیڑی اچ سدھریں دا جام اے

سندھڑے دے پیٹ وچ عمراں دی تانی وچ

جھلی شودی پھس گئی روح دی رنجھانی وچ

پت کهوٹی تهی گئی اکهیاں دی

پت کهوٹی تهی گئی اکهیاں دی پکهیاں دیاں چوگاں پڑ کها گئے

آسمان دے آسنڑ اپنی جا ایں بهوئیں کوں بهوئیں دے دهڑ کها گئے

اساں نیچ نمانڑیں لوکیں کوں کئی اچڑے لوک نوڑ کها گئے

تیڈے مکھ دی بکھ دا ڈکھ آصف ساڈے کهوہ کها گئے ساڈے تڑ کها گئے

سیف اللہ آصف

تیڈے وس اچ واگاں ویلھے دیاں

تیڈے وس اچ واگاں ویلھے دیاں ساڈو واگ ولا اساں عید کروں 

ڈینہ لاہنڑ تے ہے سنگریج کراہیں مہتاب اچ آ اساں عید کروں

اساں آتے روز ازل دے ہیں ساڈی آس پجا اساں عید کروں

آ آصف روز دیں روزیں توں ساڈی جان چھڑا اساں عید کروں

سیف اللہ آصف

بکھ برہا دے راہ اتیں مٹھی جوار تھی کھڑی

بکھ برہا دے راہ اتیں مٹھی جوار تھی کھڑی

پنیر گھوٹ بنڑ کھڑا تے بوئی کنوار تھی کھڑی

کپی جوآر لو تھیا پتھیں پتھیں دی بار تھئی

ولا مہیر دا مینہ وٹھا ولا تویار تھی کھڑی

موسمیں دی جنج چڑھی سنہوار پایاں پوپیاں

بیر پا کے لڑکیاں سبھو سنگھار تھی کھڑی

سیف اللہ آصف

ہلے ہو ڈاندا گاء گڑھی وؤ گڑھی

گاء دا گاون

ہلے ہو ڈاندا گاء گڑھی وؤ گڑھی 

ہلے ہو ڈاندا گاء گڑھی وؤ گڑھی 

تیڈے گل وچ گانی تیڈے متھے تے متھلو

میڈے سِر اتے دُھپ تیڈی کنڈ تے چھڑی 

ہلے ہو ڈاندا گاء گڑھی وؤ گڑھی 

ہلے ہو ڈاندا گاء گڑھی وؤ گڑھی 

سیف اللہ آصف

تیڈی مونجھ مٹھی ماکھی وانگوں

تیڈی مونجھ مِٹھی ماکھی وانگوں ونڑ روح دے تاڑ تیں باہندی ہے 

جتھ دِید والیں دی دِید ونجے کہیں اینجھے جھاڑ تیں باہندی ہے 

کوئی رتڑی مِٹھڑی بیر جھیں ٹنگ نال نیواڑ تیں باہندی ہے 

کوئی سِک ہے آصف ازلیں دی ودی ساتھ سلہاڑ تیں باہندی ہے

سیف اللہ آصف

اساں چیتر بہار دے چتریے ہوئے

اساں چیتر بہار دے چتریے ہوئے

اساں سنگریے سنوریے ستریے ہوئے

اساں اپڑیں اکھ تے نتریے ہوئے

تیڈے پیریں پوونڑ آئے ہاسے

تُوں ساڈا کیا لگدئیں اساں تیڈے کیا لگدے

تُوں ساڈا کیا لگدئیں

اساں تیڈے کیا لگدے

فجر تے شام جینویں

ڈو بھینڑ بھیرا لگدے

بیڑی دیاں تیں پور دیاں سندھو تیکوں پارتاں

بیڑی دیاں تیں پور دیاں سندھو تیکوں پارتاں

سنجھ تیں اسور دیاں سندھو تیکوں پارتاں

اللہ کرے خیر اوندا پیر ہے رکاب وچ

پاڑھے دیاں تیں سور دیاں سندھو تیکوں پارتاں