رنگ وطن: عذرا ناز

Showing posts with label عذرا ناز. Show all posts

Tuesday, 24 November 2020

سر تے آ گئی شام غماں دی دل نوں پھڑ کے بہہ گئے آں

معاف کریں نئی ہوش ٹھکانے جگ نے کملی کیتا اے

خورے کیہہ کہنا سی تینوں خورے کیہہ کجھ کہہ گئے آں

ویلے مٹی وانگر ڈھایا کنے ہی شہ زوراں نوں

ساڈی کیہہ اوقات سی ایتھے ڈھیری وانگوں ڈھے گئے آں

سانوں جس تے مان بڑا سی ودھ کے ساری دنیا توں

پیار نُوں نیندر آ جاوے تے دِل دا بُوہا کھولے کون

سسی باہجوں دور تھلاں وچ پنوں پنوں بولے کون

کِھڑ کِھڑ ہسدے دنداں سارے بھید لکاۓ درداں دے

رُوح تے وَجیاں گھُجیاں سَٹاں اکھاں نال ٹٹولے کون

اپنے چار چوفیرے مینوں اج ہنیرا دِسدا اے

چانن جیویں رُسیا میتھوں اکھیوں ہویا اوہلے کون

گیتاں دے بنجارے رُس گئے

آن دے لا کے لارے رُس گئے

سانُوں کُجھ وی خبر نہ ہوئی

کیہڑی گل توں پیارے رُس گئے

ہوئیاں ہور ہنیریاں راتاں

چن رُسیا تے تارے رُس گئے