اک مٹی تے لکھ مسیتاں

 اک مٹی تے لکھ مسیتاں

اک دلبر تے سو فرعون

میں بُلھے دی اکھ دا اتھرو

آ ڈِگیا کس جھوکے

نجم الحسنین حیدر

سکھ نوں یار خدا نہ کہیے

 سکھ نوں یار خدا نہ کہیے

بھکھ نوں کدی گناہ نہ کہیے

گرجھاں نوں تے پیار نہیں ہوندا

رانجھے نوں گمراہ نہ کہیے

نجم الحسنین حیدر

رگ وچ تارے وچ اکھ دے اشارے وچ

 رگ وچ تارے وچ، اکھ دے اشارے وچ

راہ وچ ساہ وچ دل دے ہلارے وچ

مِتراں دے جُٹ وچ، سجنی دے گُھٹ وچ

ٹاہلیاں دے جُھنڈ وچ چن تے چبارے وچ

گُروواں دا گُر اے نہ چیلیاں دا جاپ اے

مینوں انج لگدائے ماہی میرا آپ اے

نجم الحسنین حیدر

املتاسی جیہے موسم نوں ہواواں قید کر لتا

 املتاسی جیہے موسم نوں ہواواں قید کر لِتا

جیویں تن دے مصلے نوں دعاواں قید کر لتا

مینوں لگدائے، بلھے نوں وی کوڑا بولنا پینا 

مینوں دِسدائے درگاہ نوں قباواں قید کر لتا

نجم الحسنین حیدر

میں اک رتی کو چننگاں دی طلب دا جد گناہ کیتا

 میں اک رتی کو چِننگاں دی طلب دا جد گناہ کیتا

مینوں الغوزیاں ڈنگیا،۔ مینوں فیر بھیرویں پیتا

میں تیرے عشق دی اڈّی دے ہیٹھاں اکھ رکھ کے تے

ایہہ سینہ چیر دِتا سی، اجے تاہیوں وی نہیں سیتا

خورے مینوں وی پتھراں دی کسے بارش دی خاہش اے

تاہیوں دل حفظ کر لتی بلھے دے عشق دی گیتا

وائٹ ہاؤس دے اندر جے کر

 تقسیم

وائٹ ہاؤس دے اندر جے کر

کچّی کندھ تے آلا ہوندا

ایفل ٹاور تھلّے جے کر

پکھّی واس دی جُھگی ہوندی

تاج محل دے کھبّے پاسے

سسّی دا کوئی چرخہ ہوندا

میرا گھر پورا پنجاب

 میں تقسیماں وی منیاں 

میں ترمیماں وی منیاں 

میں وارث پیر جہان دا

میں نانک دا وی خواب

میرا گھر پورا پنجاب

میرا گھر پورا پنجاب 

نجم الحسنین حیدر

ساتھوں ساڈا ماس نہ کھوو

 ساتھوں ساڈا ماس نہ کھوو 

(پانی تے ہریاول چوں اُگی اک لال نظم)

میں کچی عمرے 

بوڑھ تے پپل دے ہرے کچور پتیاں دے

بڑے ای سلکھنے داند بناؤندا، کشتیاں بناؤندا

تے فجرے سکول جاون توں پہلاں