رنگ وطن: نورالعین سعدیہ

Showing posts with label نورالعین سعدیہ. Show all posts

Friday, 3 March 2023

کُرلاٹ

بے دردی دا کیہ بھرواسا

چِڑیاں دی موت تے سجناں دا ہاسا

تن دی منجی

دُھپے سڑدی

چھاں رہندی پردیس

انکھ

سِر تے اُچی پگ نہ بنھیں

پیریں جُتی سوہنی پائیں

کرے سدا جو چائیں چائیں

تاں جو تیرے سبھے ویری

سر نہ تکن پیریں تکن

نورالعین سعدیہ

ست بھرائی

اکلاپا

تے دُکھ، بیماری

بھُکھ، ہنجو تے ہاواں، چھالے

رہندے میرے نال

ست بھرائی میرا ناں

نورالعین سعدیہ

کالک

میں ٹھنڈے چُلھے دی ہانڈی

آپے سڑدی

آپے لُوہندی

اندر و اندری سُڑ سُڑ کردی

باہر نہ وجے جھاتی

کالک دے گل لگ کے میری