قدرت دا فن شعلہ بدن شیریں دہن میڈا امن

 پنجابی سرائیکی شاعری

قدرت دا فن، شعلہ بدن، شیریں دہن میڈا امن

شاہِ زمن، چوڈی دا چن، سرو و سمن رنگلا موہن

کجُھ تاں گھٹا، جور و ستم، ڈیکھاں ولا وسدا صحن

وعدے سجن ایویں ناں ہن، رُل گئی حنا، گَل گئے سگن

تیڈے بنا ڈِہدا تاں جُل، وحشی تھیم بھُل گئے وطن

رب دی قسم آہدا وی ہم، تیں توں وفا تھیسی ناں چن

قربان جان میڈی تیڈے ستم ستم تیں

 جدید پنجابی سرائیکی شاعری

قربان جان میڈی تیڈے ستم ستم تیں

کر کر کے یاد میکوں روسیں قدم قدم تیں

الفت دی رہگزر وچ جند جان وار ڈیساں

بے شک نمک برک ڈے میڈے زخم زخم تیں

میڈی وفا دے قصے تیڈی جفا دیاں گالهیں

زندہ ہمیش رہسن سہنڑا قلم قلم تیں

کل اچانک سر راہ پنڑی ملی

 جدید پنجابی سرائیکی شاعری

پنڑی

کل اچانک سرِ راہ پنڑی ملی

چن دے وانگے چمکدی ہوئی تصویر ہئی

ینپ کے دامن الا نڑی ہے کُجھ ڈے کے وَنج

ڈھیر ساری نظردی او دلگیر ہئی

رکھ چوانی تلی تیں سوالی تھیاں

میڈا مالک کیوں کیتی اے تعمیر ہئی