میں سی مننا کتھے رب نوں

 جدید پنجابی شاعری

میں سی مننا کتھے رب نُوں

رب آپوں منوایا اے

دُنیا دے وِچ تھاں تھاں اُتے

رب ای نظریں آیا اے

دھرتی اُتے ہر تھاں رب نے

رحمت دا مینہہ پایا اے

ظل ہما بخاری

تینوں آنی موت یقینی بعدوں مرن حساب یقینی

 تینوں آنی موت یقینی

بعدوں مرن حساب یقینی

گُھٹ گُھٹ پینا وقت پیالہ

آخر ہونا ختم یقینی

نال خوشی دے اکھیں اتھرو

نال خوشی دے غم یقینی

بعد مرن دے وی میں جیواں

 مرنوں پہلاں مرن

جی کردا اے دنیا چھڈ جاں

لا کے پھندا سُولی چڑھ جاں

یا پھیر زہر دی گولی کھا کے

چُپ چپیے قبرے پے جاں

رون فیر سارے باجھوں میرے

قدر تے جانن باجھوں میرے