رنگ وطن: شوکت قمر

Showing posts with label شوکت قمر. Show all posts

Monday, 31 January 2022

تیرے اُتے مر جاواں گے

عشق سمندر تُوں کی ڈرناں

ڈُبے وی تاں تر جاواں گے

تینوں جِتن دے چاہواں وچ

اپنا آپ وی ہر جاواں گے

گنجھل وانگر کُھل جاواں گا

نھیری وانگر جُھل جاواں گا

میں ویلے دا ڈونگھا ناول

ورقہ ورقہ تُھل جاواں گا

سارے جگ نوں سرتاں دے کے

سفنے وانگر بُھل جاواں گا

لوکی شہر وساؤندے پھِردے

رُکھاں ہیٹھ کُہاڑے چمکن

پنچھی جان بچاؤندے پھردے

اج وی حق دے نعرے لا کے

جھلے، جھلی پاؤندے پھردے

چھیویں حِس دی خبر جہی اے

اوہدی دل تے نظر جہی اے

مِٹھیاں مِٹھیاں مُسکاناں نے

دل وچ پنڈ دی فجر جہی اے

اتھرو، چیکاں، ہوکے، ہاوے

دل دی حالت حشر جہی اے