تیرا آپناں راہ تے ساڈا آپناں راہ اللہ حافظ سجن چالاک اے

 تیرا آپنڑاں راہ تے ساڈا آپنڑاں راہ اللہ حافظ سجن چالاک  اے

تیریاں نِت دیاں بے تکیائیاں توں مجبور نوں پئے گئی ہاک اے 

جھلا درد جو ہاہ جہڑا چُمدا وتیائے تیرے قدم قدم دی خاک اے 

کوئی ہور ہوندا تاں کر سٹے ہاہ تیری سنگت دا کھاتا پاک اے 

غلام محمد درد

نکھڑ ونجن بھائیوال جنہاں دے

 نِکھڑ ونجن بھائیوال جنہاں دے

قسم خدا دی درد انہاں دے

ہوش ٹکانڑے رہ نئیں ہوندے

لگدے سٹنڑ دی شے نئیں ہوندے

غلام محمد درد

شالا ہر دے سر تے سجناں دے پئے بدل ہمیشہ گجن

شالا ہر دے سر تے سجناں دے پئے بدل ہمیشہ گجن

تے ہمتال کسیری سنگت دیاں ہر دم کمزوریاں کجن

دیدار دا سلسلہ جاری رہے اکھیں نت پئیاں ٹھرن تے رجن

رلے ہر کوئی رہے کسے بشر دیاں شالا ٹیکاں درد نہ بجھن

غلام محمد درد

الفت دے مذہب مقدس وچ سنگ چھوڑن سخت گناہ اے

 الفت دے مذہبِ مقدس وچ سنگ چھوڑن سخت گناہ اے

ہے فرض غلامی لگدیاں دی مکھ موڑن سخت گناہ اے

بھائیوال نوں درد بے تکیائ دا کنڈا پوڑن سخت گناہ اے

دل کعبہ اے دل اچ رب وسداے دل تروڑن سخت گناہ اے

غلام محمد درد

ساری سک لہہ گی اے سانگیاں دی ہکا گھاٹ جناب دی جھل کے

 ساری سِک لہہ گی اے سانگیاں دی ہِکا گھاٹ جناب دی جھل کے

چلو سمجھ تاں آ گئی جیونڑ دی، تیری سنگت دی ہاٹھ اچ رل کے

ہنڑ اگلے سجنڑ سنبھال کے رکھیں، متاں یاد پئی آوی ول کے

پچھاں کوئی نوں ہٹدے دیگر نوں، کدی درد پچھاویں ڈھل کے

غلام محمد درد

دل کتھے کھڑایا ای او بھولیا

دل کتھے کھڑایا ای او بھولیا

گل روونڑ پا لیا ای او بھولیا

دل کتھے کھڑایا ای او بھولیا

جہڑے سکھ دیاں سیجاں مانڑن

جہڑے سُکھ دیاں سیجاں مانڑن

کئیں دے دُکھ نوں اوہ کے جانڑن

جنہاں دُکھڑے سہہ نئیں ہوندے

لگدے سٹنڑ دی شئے نئیں ہوندے

ول آیا ای موسم چیتر دا ہئی رت البیلی ہٹ آ

ول آیا ای موسم چیتر دا ہئی رت البیلی ہٹ آ

ہئی تانگ گلاب تے موتیے نوں پئی اے ہسڑ چنبیلی ہٹ آ

تے تیرے واسطے سکدی درد دے دل دی ویران حویلی ہٹ آ

متاں اوڈھر زندگیاں نبھ جاون میرا نکھڑیا بیلی ہٹ آ

غلام محمد درد

کھوہ واہندن اپنڑیاں واریاں تے

کھوہ واہندن اپنڑیاں واریاں تے تیری واری اے بخت ہڈھا لئے

تیتھوں کیں پچھنائیں ان پھردیاں تے ہمتالا زور ازما لئے

چلو درد غریب تے ترس  ناں کر بھلا  اپنڑے کانڑ کما لئے

جہڑا ڈھلی اوئی رت اچ کم آوی کوئی ہک ادھ سجن بچا لئے

غلام محمد درد

اتھے انصاف وکدا ہے اتھے پرہیار وک ویندن

ایہہ جگ رنگین منڈی اے اتھے شاہکار وک ویندن

فقط مفلس نہیں وِکدے اتھے زردار وک ویندن 

ضمیراں دی ریاست تے ہوس دی حکمرانی ہے 

اتھے انصاف وکدا ہے اتھے پرہیار وک ویندن

غلام محمد درد

ڈنگ ہرن تاں آسرا رب ہوندائی

ڈنگ ہرن تاں آسرا رب ہوندائی اے مال تے زر نئیں راہندے 

سٹ ویندن سجنڑ مصیبتاں وچ سنگتاں دے تھر نئیں راہندے

رکھیں یاد زوال عروج تے آندائی سدا وسدے در نئیں راہندے

پکھو لوہندن درد اڈاریاں نوں جداں ثابت پر نئیں راہندے

غلام محمد درد

ساہ ہن بے اعتبارے

بندہ ہر ملاقات نوں آخری سمجھے کیوں جے ساہ ہن بے اعتبارے

ہر بشر تے اے گل لازم ہے ڈنگ خلق دے نال گزارے

لقمان دے پتر وی بچ نئیں سکدے جدوں سد تقدیر چا مارے

انج جیویئے درد جے مر گیاں وی کوئی بشر نہ یاد وسارے 

غلام محمد درد

آزاد آزادی کے جانڑیں آزادی صرف اسیر توں پچھ

آزاد آزادی کے جانڑیں آزادی صرف اسیر توں پُچھ

جیندی اکھیں سامنڑے کُس جاوے مُل ویر دا اُس ہمشیر توں پُچھ 

توں تاں بس لفظی تقریراں تے اتھروں دو چار وہا باہندا ایں

حق حاصل کرن تے کے لگدائے اے کربل یا کشمیر توں پُچھ 

غلام محمد درد