رنگ وطن: یحییٰ شاہد

Showing posts with label یحییٰ شاہد. Show all posts

Friday, 19 April 2024

جدید پنجابی شاعری

چانن دے وچ نھیرا جمیا

نہیں کسے تے میرا جمیا

تیرا ویری ہو جاوے تے؟

تیرے وچوں، تیرا جمیا

تاں ای نھیرا، مُکے گا جد

سوچاں وچ، سویرا جمیا

جدید پنجابی شاعری

اک روٹی نے بھاجڑ پائی کُل جہان نُوں بُھلیا

روٹی پِچھے رل گئے ایتھے شاہ گدا وی بھلیا

روٹی پِچھے آکڑ بَھجدی روٹی پِچھے باہواں

روٹی پِچھے کھیت نے اُجڑے روٹی پِچھے ویہڑے

روٹی پِچھے فصلاں کھا گئے روٹی پِچھے نسلاں

روٹی پِچھے ڈھا دِتے نیں پیار دے اُسرے محل منارے

جدید پنجابی شاعری

کدی وی دیر نہیں کرنی

کسے نوں تیری لوڑ ہووے

کسے ول جاونا ہووے

کسے دی اک واج دے اُتے

جے ہووے اُڈاری بھرنی

کدی وی دیر نہیں کرنی

جدید پنجابی شاعری

اِکو تھاویں وسن والے

نس نس کھیڈن ہسن والے

ودھ ودھ گلاں دسن والے

اکو وگ دا پور ہوندے نیں

سنگھنے رُکھ دا بور ہوندے نیں

سبھ دی اکھ دا نور ہوندے نیں