رنگ وطن: عبدالقادر قادری

Showing posts with label عبدالقادر قادری. Show all posts

Wednesday, 31 January 2024

جدید پنجابی شاعری

ایس قلم وِچ حرکت انصاف دی نہیں

آپے ظُلم کر آپے فریاد کر لے

زر خرید قانون دی کی ہمّت

جِتنا مرضی آ اُتنا فساد کر لے

مار حق یتیم، مِسکین دا توں

بے تقصیر سنگ بُغض و عناد کر لے

جدید پنجابی شاعری

دُنیا ہے بازار سوداگری دا

ایتهے چیز مہنگی تے ایمان سستا

کوئی دِین دا پاوندا مُل دُنیا

کوئی ویچدا پیا قرآن سستا

جے کر جوہری کوئی قدر شناس ہوندا

وِکدا کدی نہ ماهِ کنعان سستا

جدید پنجابی شاعری

دنیا ہے بازار سوداگری دا

کدهرے ناز تے کدهرے حیا وِکدی

پیراں ہیٹھ انسان نے ملی عظمت

عزت شہرت دسدی جا بجا وِکدی

وِکدی پئی عریانی تہذیب دے مل

بن کے زہر پئی ایتھے دوا وکدی

جدید پنجابی شاعری

دُنیا ہے بازار سوداگری دا

ایتھے وانگ حیوان انسان وِکدے

جاندے وِک ضمیر قانون وِکدا

خِرد مند ہو کے بے زبان وِکدے

ہاسے وِک جاندے ہنجُو وِک جاندے

ایتھے درد وِکدے تے ارمان وِکدے